نفس الحنين والاحتياج

نفس الحنين والاحتياج

نفس الطريقة والمعاد

زي ما كان وهمني قلبي

حبها بنفس العناد

رغم انه كنا من سنين

مع بعض كنا قريبين

وكنا عادي اصحاب

حسيتها ف لحظة حنين

حسيتها جاية من غياب

وهو ده احساسه بيها

احساس اتولد ف ضباب

نفس الحنين والاحتياج

نفس الطريقة والمعاد

زي ما كان وهمني قلبي

حبها بنفس العناد

من غير مايحكي بالكلام

شوفت ف عنيه الحكاية

حكاية حب واتهام

بالظبط زي ماكان معايا

خايف شعوره يكون صواب

بس يومها قدرت اقرر

اني هبعد مش هفكر

وعرفت انه كان سراب

فاضل هو بس يعرف

احساسه بيها اكيد كداب

لحظة غروب

كانت لحظة غروب..

وهو مستنيها..

كان دايب فيها دوب..

وحياته الجاية ليها..

وشافها من بعيد وسماه..

عليت فوق الارض معاه..

وفجأة لما قرب منها..

ماشافش ف عينها فرحة لقاه..

وبكل كيانه قال واحشاني..

سكتت ولاحتى ابتسمت..

ده انتي الحلم وانتي الاماني..

حسه انه بيضيع وقت..

سألها مالك..قالت مفيش..

شاف ف عيونها نظرة حزينة..

بتقول حبنا مش هيعيش..

جاية تكسر احلى مدينة..

قالت هوانا ماكنش غرام ..

وحياتنا مش دايما وردي..

بلاش نعيد ونزيد في كلام..

يعذبك اكتر بعدي..

بدأ النهار يروح ..

والليل جاي بجروح..

ماقلش حتى ازاي..

ولا ليه وايه الحكاية..

ماهو كان الحلم جاي..

وفجأة صبحت نهاية..

اديته سكة ياعيني

جزء من قصيدة الرائع تميم البرغوثي

قالولي بتحب مصر؟

قولت مش عارف

ده المعنى كعبة

وانا بوفد الحروف طايف

والف مغزى القصايد

بين الايدين لافف

قالولي بتحب مصر؟

قولت مش عارف

انا لما اشوف مصر

عالصفحة بكون خايف

مايجيش في بالي هرم

مايجيش في بالي نيل

مايجيش في بالي غيطان

خضرة وشمس اصيل

ولا جذوع فلاحين

لو يعدلوها تميل

حكم الليالي وخدهم

في الحصاد محاصيل

يلبسوهم فراعنة

ساعة التمثيل

وساعة الجد

في سخرة واسماعيل

مايجيش في بالي عرابي

ونظرته فالخيل

ولا سعد باشا وفريد

وبقية التماثيل

ولا ام كلثوم

في خنفنها والمنديل

عالصبح صوتها فالتاكسي

مبوظه التسجيل

مايجيش في بالي

العجول وسفارة اسرائيل

ولا الحضارة اللي

واجعة دماغنا جيل ورا جيل

قالولي بتحب مصر

اخدني صمت طويل

وجت في بالي ابتسامة

وانتهت بعويل

قالولي بتحب مصر؟

قلت مش عارف

احلامي المولودة الحرة

على آخر لحظة بتتكسر
احلامي المولودة الحرة
ماقعودش حزين انا واتاثر
راح احاول مليون المرة
احلامي عادية ومقبولة
ومعادلة بسيطة ومحلولة
مفهاش لا محال ولا غولة
ولا لغز يحير ولا شفرة
بحلم من نفسي الحرية
وتعيش ضحكتي حواليّا
وتموت دمعتي ف عنيه
مضحكش الضحكة الصفرة
بحلم بالناس حواليّا
وابطّل اكون وحديّا
بطريقتي انا الوردية
تفهمني الناس بالنظرة
بحلم اكون ونسان
بربنا الرحمن
واشوفو هناك ف الآخرة
واحلم بيكي يا مولاتي
وبشوفها اتمنى الآتي
تيجي تنورلي حياتي
واهرب للدنيا الساحرة
بحلم ما بقاش مخدوع
وفكري يكون لي دروع
وكلامي يكون مسموع
واسمي مابين الشعرا
بحلم نهرب م الليل
نتحدى الخوف والويل
نتغنى بالمواويل
ويكون لغنانا الفكرة
بحلم والحلم كبير
نملى الدنيا دي خير
مايكنش فيها فقير
بيقول انا عيشتي مرة
واحلم والحلم عليل
وانا فاض بيّا الكيل
منك يا اسرائيل
لو بس تغور بالمرة
واحلم ببلدنا السمرة
عصفورة تطير ع الشجرة
مرفوعة راسها وحرة
بحلم بضمير يحينا
وماسكة ايدينا ف ايدينا
في الاحزان والمسرة
واحلم والحلم نافذ
بين كل الحواجز
وانا هقدر اوصل بس
اكون انا اللي عايز

خلاص حلمك..

ماضاع منك...

واصبح جزء من وهمك

خلاص حلمك

خلاص يعني بلا راجعة

وآه منها الآهات واجعة

والناس اللي خانقينه مش سامعة

خلاص حلمك

خلاص يعني مافيش تاني

ولا كاني ولا ماني

ولا احلام ولا اماني

وباقية الفكرة بتعاني

خلاص حلمك

خلاص يعني مافيش فايدة

دي كانت ضربة ليه قاضية

وغصب عنها دمعتك راضية

خلاص حلمك

خلاص يعني الحكاية

انكتب ليها النهاية

وسايبة جروحي جوايا

خلاص حلمك

خلاص راح قصاد عينك

ولا تعينه ولا يعينك

وعنه الخلق بعدينك

خلاص حلمك

حلمك يعني ده كان روحك

ويبني قلعتك وصروحك

فجأة منك تنسرق روحك

ولا تنفع صرختك ولانوحك

وخلاص حلمك

حلمك كان طوق النجاة

اللي تحلو الحياة

لما توصل منتهاه

ويصبح باقي منه آه

وخلاص حلمك

خلاص

انا عايز ارجع اكون بريء

انا عايز اهرب م الحياة

من كل شيء

من التزامي بأي حاجة

من الطريق

من اي فعل ورد فعل

من اني ادوّر يوم على حل

من اني اكون في يوم غريق

في بحر فكرة لعينة واحدة

من الجدال من المناقشة

انا عايز ارجع اكون بريء

الفنا الحزن ولا... هو اللي الفنا
واخدينه غصب ولا ...واخدينه على كيفنا
فضلت ادوّر وادوّر ...لقيت
واخدينه من خوفنا ..واخدينه على شوفنا