متفقين ف المكان

متفقين ف المواعيد

لكن بنّا وبنّا زمان

ودهور وخطاوي بعيد

هو طالب ف الثانوية
جاب مجموع ودخل كلية
وحلمه حاجة من الاتنين
يا جواز السفر الامريكي
يا يسافر على دولة خليجي
بيقول ان بلدنل ف ازمة
يبقى وجودي ما لهوش لزمة
وانا عارف انا رايح فين
يا جواز السفر الامريكي
يا يسافر على دولة خليجي
اتبهدل واتعذب ليه؟
ما انا اسافر وراح اصبح بيه
يا جواز السفر الامريكي
يا هيافر على دولة خليجي
كلامه فيه شوية منطق
ما هو عايز احلامه تتحقق
بس ده يبقى على حساب مين؟
بلدنا المحتاجة شبابها
والجهل المتسيد شابها
تبقى دي قسمة عدا منين
بعدين لسه ف ناس بتصلّح
وفي ناس قدرت تحلم تنجح
ليه بتقلب كل الموازين
حاول وان مقدرتش حاول
وابقى لحلمك صايل جايل
متقولش ضحية ومسكين
بعدين رايح تخدم دول؟؟؟
الناس الغرقانة بترول
ولا رايح تخدم مين؟؟
اللي اغتصبو العريقات
يبقى ضميرك جواك مات
وبناقص حبة خاينين
كون امريكي ولا خليجي
بس اوعى تفكر يوم تيجي
تقول انا منكو يا مصريين

انااا

انا
انا الي عمري ما اخفش
انا اللي زي الوحش
لأ انا بوء بس...
انا اللي مبحلمش..
انا اللي حياتي هص
اكل وانام وبس..
انا اللي اي حاجة هايفه
الاقيني راشق فيها وش
ممكن اعمل اي حاجة..
عشان مذهقش
اضحك لكن مفرحش...
واضحك عشان مامتش
انا اللي طاير في الهوا
زي الاش!!
لا انفع ولا مانفعش
ماديش ومااخدش
واليوم عندي مايفرقش
انا اللي كل كلامي الش
وساعات يقلب بهتش
من المسئولية اهرب...
واقول مقدرش
من اهلي دايما الاقي قفش
وارد كلام زي الدبش
بعيد عن ربي مابقربش
عارف هخش النار وش!!
في يوم انا مستنيه
يوم اتغير فيه
لكن اديني مستنيه
عمري ما جريت عليه
انا كده.... مبتحركش!!
وفي نفسي حتى مبسألش
انا اللي عمري ما الاقي نفسي
انا اللي مهما يعلى حسي
الاقي دايما هزمني يأسي
انا اللي جبت ده كله لنفسي
عشان مبكلش.. "جلاكسي"!!!

امتى هييجي يناير تاني

علشان تيجي حاجات شغلاني

يبدأ دور الدوري التاني

ونجيب فضل وحسني وهاني

ومنخسرش ابدا تاني

امتى هييجي يناير تاني

علشاني تيجي حاجات شغلاني

ناس هتقولّي اوعى تهيّص

وناس مش فاهمة عمالة ترقص

اصل ساعتها هيبقى كريسماس

امتى هييجي يناير تاني

علشاني تيجي حاجات شغلاني

تبدأ كاس الامم ف غانا

حماسنا لمصر يزيد جوانا

يمكن نرجع كاسنا معانا

امتى هييجي يناير تاني

علشاني تيجي حاجات شغلاني

ساعتها هخلص امتحانات

اصل انا بقى قسم فلزات

وساعتها مش اسمع سلم هات

امتى هييجي يناير تاني

علشاني تيجي حاجات شغلاني

بس في سنة من عمري تفوت

وانا عمري زي المخروط

ينقص ينقص بعدين اموت

خلاص ماتجيش يا يناير تاني

خلي حاجاتي كده شغلاني

بدأت لعبة... فهدمو الكعبة

لسنا عاجزين ولكننا جاهلين...نعم نجهل قواعد اللعبة ..لعبة التقرب اليهم...لعبة تذويب الجليد بيننا وبينهم... لم نكن قادرين على ذلك في اي لحظة من الحوار...بدأ الحوار بطريقة هي البليدة من نوعها في وجهة نظري ..طريقة" اعمل- من غير ليه -وهتاخد جايزة" فاطاعونا فقط ليصلو للجائزة ..ثم استخدمت طريقة افضل قليلا وهي طريقة "عشان ربنا يحبك"وقد اعتادو عليها كثيرا ايضا حتى فقدت مصدقيتها لديهم ..ثم في فترة من فترات الحوار ..الغي الحوار وتحول الى عنف وثب وقذف!! ..ثم حالونا السيطرة على الموقف وجاء الدور على زرع القيم "تزغيطا"-على رأي سمية - الا وهو الطواف حول نموزج مصغر للكعبة لابراز بعض قيم الحج في هذه الاوقات المباركة ..فقامو بهدمها ..هذا ما حدث وقد فشلنا في كل مرة حاولنا اقناعهم بما نريد...وعندما تفشل في التواصل مع شخص ما فهذه مشكلتك وليست مشكلته فهذا هو دليل عجزك... او جهلك كما في حالتنا هذه
حاولت طوال فترات الحوار ان اكون متابعا ومدققا ..فوجدت اننا ارتكبنا خطأ جسيم في كل محاولتنا السابقة هو الافضل للوصول لحالة اللاتواصل
هذه..الا و هو تعاملنا مع هؤلاء الاطفال وكأنهم قطيع يجب ان يسمعو كل كلمة نقولها لهم وعدم اهتمامنا بما يريده منا وتكيزنا فقط على ما نحن نريده منهم فكانت طريقة تعاملنا معهم هي اقرب لعرض مهارات مذيع في برنامجه فلا مجال لأي نقاش او وجهة نظر الا التي يحددها المذيع
فقد لغينا افكارهم ...فعبرو عنها بالعنف ..ولم نكن اكثر تحضرا كما هوالمفروض ..فرددنا على العنف بالعنف
وانتهى

تتلزم بالكوانين.... تبقى صاحبي وحبيبي وكفاءة

معتدقدش ان اللمبي لما قال الجملة دي كان يعرف ان دي اكبر مأساة في حياتي... اني يعني مش عارف التزم بالقوانين وده مخلي ضميري دايما مأنبني ..انا مش قصدي طبعا القوانين اللي هي القوانين بتعات الحكومة اللي محطوطة في مواد ..لأ طبعا القوانين دي انا ممكن ملتزمش بيها ويبقى ضميري مش مأنبني ولا حاجة ...انا قصدي على قوانين الطبيعة ..اللي هي 1+1=2 يعني انا عارف اني لو مذكرتش مش هجيب تقدير كويس و هزعل اهلي وهزعل نفسي وهيخليني اغلب عقبال ما الاقي شغل ومع كده مبذكرش ..وعارف اني عشان يبقى عندي صحة كويسة عشان اعمل بيها كل حاجة في الدنيا لازم العب رياضة ومع ذلك انا مش مواظب على اي رياضة ..وبرده عارف اني عشان اقدر يبقى ليا وجهة نظر سليمة تجاه الاشياء واقدر افيد واستفيد لاز اقرا ومع ذلك انا مبقراش كتير ..ومع اني عارف ان الذنوب والمعاصي اخريتها سودة ومش اي سواد ده عذاب ما بعده عذاب دي جهنم لسه برده مصر على شوية ذنوب ومش عارف اتنيل ابطلهم
هي دي المشكلة ...هو صحيح انا بكره الكلية ..وبشوف الرياضة متعبة ..والقراءة ساعات مملة ..وشوية الذنوب بيفرحوني في وقتهم ...بس كل الحاجات دي ضرورية تتعمل او تتبطل لازم ..وعشان لازم يبقى انا لازم التزم بيهم ..والمشكلة الاكبر اني عارف اني اقدر لو بس استرجلت شوية والتزمت ...يا رب التزم