نفس الحنين والاحتياج
نفس الطريقة والمعاد
زي ما كان وهمني قلبي
حبها بنفس العناد
رغم انه كنا من سنين
مع بعض كنا قريبين
وكنا عادي اصحاب
حسيتها ف لحظة حنين
حسيتها جاية من غياب
وهو ده احساسه بيها
احساس اتولد ف ضباب
نفس الحنين والاحتياج
نفس الطريقة والمعاد
زي ما كان وهمني قلبي
حبها بنفس العناد
من غير مايحكي بالكلام
شوفت ف عنيه الحكاية
حكاية حب واتهام
بالظبط زي ماكان معايا
خايف شعوره يكون صواب
بس يومها قدرت اقرر
اني هبعد مش هفكر
وعرفت انه كان سراب
فاضل هو بس يعرف
احساسه بيها اكيد كداب
9 comments:
مانت حلو اهو فى العاتفى هىهىهى....عاتفى اهو زى مابتقول...استمر يا عم وورينا قدراتك المختلفة
(مع انى مش فاهم اوى يعنى)
بس يومها قدرت اقرر
اني هبعد مش هفكر
وعرفت انه كان سراب
--
جميل
شكرا جزيلا
زي ما كان وهمني قلبي
حبها بنفس العناد
******************
عاجباني أوي الحتة ديه يا أحمد يا فنان
مدهش يا مدهش
بجد فناااااااااااااان
la2 ya ahmed msh kadab..........
we leeh etham
شوفت ف عنيه الحكاية
حكاية حب واتهام
mafeesh etham....ana ethamatak????
كلمات جميله
الحب
السراب
احساسه بيها
تسلسل رائــع
تمكن فى العبارة واللفظ
صح لسانك وسلم قلبك
تحياتى لك
هناااا
اغنيه حلوة اوى وخفيفه وجمله
ومن طولها تنفع اغنيتين جامدين اوى
نصحيه اعرض كلامك على ملحنين محترمين
انت موهوب ماشاء الله عليك
عجبنى كلامك اوى وموضوعاتك رهيبه
تسلم ايدك
تحياتى
كلمات جميلة وأحساس أكثر من رائع
بس يا ريت تقرا شعر كتير علشان تنمي موهبتك
تقبل مروري
مجنووون
جميييييلة
Post a Comment